un ko yan wade pe aa lene de ai abr-e-bahaar
jis qadar chahna phir baad mein barsa karna

Hasrat Mohani

---

---

us na-KHuda ke zulm o sitam hae kya karun
kashti meri Duboi hai sahil ke aas-pas

Hasrat Mohani

---

---

waqif hain KHub aap ke tarz-e-jafa se hum
izhaar-e-iltifat ki zahmat na kijiye

Hasrat Mohani

---

---

wasl ki banti hain in baaton se tadbiren kahin
aarzuon se phira karti hain taqdiren kahin

Hasrat Mohani

---

---

aiThte jab hain khilaune wo banane ke liye
un se ban jate hain hathiyar ye qissa kya hai

Hastimal Hasti

---

---

dhire dhire ho gai ye itni bad-rang
jiwan ki poshak ka bhule asli rang

Hastimal Hasti

---

---

dil ki haalat puchhne walo
dekho koi phul masal ke

Hastimal Hasti

---

---