hawa ke dosh pe uDti hui KHabar to suno
hawa ki baat bahut dur jaane wali hai

Hasan Akhtar Jaleel

---

---

main na dariya hun na sahil na safina na bhanwar
dawar-e-gham kisi sanche mein to Dhaale mujh ko

Hasan Akhtar Jaleel

---

---

mujh ko 'jalil' kaun kahega shikasta-dil
khaya tha ek zaKHm so wo be-nishan raha

Hasan Akhtar Jaleel

---

---

safine Dub gae kitne dil ke sagar mein
KHuda kare teri yaadon ki naw chalti rahe

Hasan Akhtar Jaleel

---

---

haTak raha hun main is dasht-e-sang mein kab se
abhi talak to dar-e-aina khula na mila

Hasan Aziz

---

---

dekhun wo karti hai ab ke alam-arai ki main
haarta kaun hai is jang mein tanhai ki main

Hasan Aziz

---

---

ek qissa-e-tawil hai afsana dasht ka
aaKHir kahin to KHatm ho virana dasht ka

Hasan Aziz

---

---