ek diya kab rok saka hai raat ko aane se
lekin dil kuchh sambhla to ek diya jalane se

Hasan Akbar Kamal

---

---

gae dinon mein rona bhi to kitna sachcha tha
dil halka ho jata tha jab ashk bahane se

Hasan Akbar Kamal

---

---

kal yahi bachche samundar ko muqabil paenge
aaj tairaate hain jo kaghaz ki nannhi kashtiyan

Hasan Akbar Kamal

---

---

kya tarjumani-e-gham-e-duniya karen ki jab
fan mein KHud apna gham bhi samoya na ja saka

Hasan Akbar Kamal

---

---

na TuTe aur kuchh din tujh se rishta is tarah mera
mujhe barbaad kar de tu magar aahista aahista

Hasan Akbar Kamal

---

---

paya jab se zaKHm kisi ko khone ka
sikha fan hum ne be-ansu rone ka

Hasan Akbar Kamal

---

---

wafa parchhain ki andhi parastish
mohabbat nam hai mahrumiyon ka

Hasan Akbar Kamal

---

---