peD ujaDte jate hain
shaKHon ki nadani se

Hammad Niyazi

---

---

puchhta phirta hun galiyon mein koi hai koi hai
ye wo galiyan hain jahan log the sarshaari thi

Hammad Niyazi

---

---

oz main us ko jit jata tha
aur wo roz KHud ko haarti thi

Hammad Niyazi

---

---

subh sawere nange panw ghas pe chalna aisa hai
jaise bap ka pahla bosa qurbat jaise maon ki

Hammad Niyazi

---

---

sun qatar andar qatar ashjar ki sargoshiyan
aur kahani paDh KHizan ne raat jo tahrir ki

Hammad Niyazi

---

---

umr ki awwalin azanon mein
chain tha dil ke kar-KHanon mein

Hammad Niyazi

---

---

wo peD jis ki chhanw mein kaTi thi umr ganw mein
main chum chum thak gaya magar ye dil bhara nahin

Hammad Niyazi

---

---