dekha na karobar-e-mohabbat kabhi 'hafiz'
fursat ka waqt hi na diya karobar ne

Hafeez Jalandhari

---

---

dil ko KHuda ki yaad tale bhi daba chuka
kam-baKHt phir bhi chain na pae to kya karun

Hafeez Jalandhari

---

---

dil lagao to lagao dil se dil
dil-lagi hi dil-lagi achchhi nahin

Hafeez Jalandhari

---

---

dil ne aankhon tak aane mein itna waqt liya
dur tha kaise ye but-KHana ab malum hua

Hafeez Jalandhari

---

---

dil sabhi kuchh zaban par laya
ek faqat arz-e-muddaa ke siwa

Hafeez Jalandhari

---

---

hae koi dawa karo hae koi dua karo
hae jigar mein dard hai hae jigar ko kya karun

Hafeez Jalandhari

---

---

han kaif-e-be-KHudi ki wo saat bhi yaad hai
mahsus kar raha tha KHuda ho gaya hun main

Hafeez Jalandhari

---

---