han main to liye phirta hun ek sajda-e-betab
un se bhi to puchho wo KHuda hain ki nahin hain
Hafeez Jalandhari
hath rakh rakh ke wo sine pe kisi ka kahna
dil se dard uThta hai pahle ki jigar se pahle
Hafeez Jalandhari
'hafiz' ahl-e-zaban kab mante the
baDe zoron se manwaya gaya hun
Hafeez Jalandhari
'hafiz' apni boli mohabbat ki boli
na urdu na hindi na hindostani
Hafeez Jalandhari
hai muddaa-e-ishq hi duniya-e-muddaa
ye muddaa na ho to koi muddaa na ho
Hafeez Jalandhari
hum hi mein thi na koi baat yaad na tum ko aa sake
tum ne hamein bhula diya hum na tumhein bhula sake
Hafeez Jalandhari
hum se ye bar-e-lutf uThaya na jaega
ehsan ye kijiye ki ye ehsan na kijiye
Hafeez Jalandhari

