hai afsos ai umr jaane ka tere
ki tu mere pas ek muddat rahi hai
Gulam Yahya Huzur Azimabadi
hain shaiKH o barhaman tasbih aur zunnar ke bande
takalluf bartaraf aashiq hain apne yar ke bande
Gulam Yahya Huzur Azimabadi
har koi apni fahm-e-naqis mein
puKHta sauda-e-KHam rakhta hai
Gulam Yahya Huzur Azimabadi
ishq mein dard se hai hurmat-e-dil
chashm ko aabru hai aansu se
Gulam Yahya Huzur Azimabadi
ishq mein KHub nin bahut rona
is se ifsha-e-raaz hota hai
Gulam Yahya Huzur Azimabadi
ishq ne samne hote hi jalaya dil ko
jaise basti ko lagawe hai adu jang mein aag
Gulam Yahya Huzur Azimabadi
jo ji chahe hai dekhun mah-e-nau kahta hai dil mera
idhar kya dekhta hai abru-e-KHamdar ke bande
Gulam Yahya Huzur Azimabadi

