yar gar puchhe to kije kuchh arz
baat par baat kahi jati hai

Gulam Yahya Huzur Azimabadi

---

---

aghair samt ke chalna bhi kaam aa hi gaya
fasil-e-shahr ke bahar bhi ek duniya thi

Gulnar Aafreen

---

---

dil ka har zaKHm teri yaad ka ek phul bane
mere pairahan-e-jaan se teri KHushbu aae

Gulnar Aafreen

---

---

ek aansu yaad ka Tapka to dariya ban gaya
zindagi bhar mujh mein ek tufan sa palta raha

Gulnar Aafreen

---

---

ek parchhain tasawwur ki mere sath rahe
main tujhe bhulun magar yaad mujhe tu aae

Gulnar Aafreen

---

---

'gulnar' maslahat ki zaban mein na baat kar
wo zahr pi ke dekh jo sachchaiyon mein hai

Gulnar Aafreen

---

---

hum sar-e-rah-e-wafa us ko sada kya dete
jaane wale ne palaT kar hamein dekha bhi na tha

Gulnar Aafreen

---

---