teri hasti se qaem hai ye hasti
ye hasti KHud koi hasti nahin hai

Gulam Nabi Hakeem

---

---

zindagi ishq-o-mohabbat se jawan hoti hai
warna be-kaif si be-tab-o-tawan hoti hai

Gulam Nabi Hakeem

---

---

aankhon se isi tarah agar sail rawan hai
duniya mein koi ghar na raha hai na rahega

Gulam Yahya Huzur Azimabadi

---

---

aazurda kuchh hain shayad warna huzur mujh se
kyun munh phula raha hai wo gul-ezar apna

Gulam Yahya Huzur Azimabadi

---

---

abas ghar se apne nikale hai tu
bhala hum tujhe chhoD kar jaenge

Gulam Yahya Huzur Azimabadi

---

---

ada ko teri mera ji jaanta hai
harif apna har koi pahchanta hai

Gulam Yahya Huzur Azimabadi

---

---

ai bahr na tu itna umanD chal mere aage
ro ro ke Duba dunga kabhi aa gai gar mauj

Gulam Yahya Huzur Azimabadi

---

---