hamein bhi ab dar o diwar ghar ke yaad aae
jo ghar mein the to hamein aarzu-e-sahra thi

Gulnar Aafreen

---

---

kahiye aaina-e-sad-fasl-e-bahaaran tujh ko
kitne phulon ki mahak hai tere pairahan mein

Gulnar Aafreen

---

---

kin shahidon ke lahu ke ye farozan hain charagh
raushni si jo hai zindan ke har ek rauzan mein

Gulnar Aafreen

---

---

kya baat hai kyun shahr mein ab ji nahin lagta
haalanki yahan apne parae bhi wahi hain

Gulnar Aafreen

---

---

safar ka rang hasin qurbaton ka hamil ho
bahaar ban ke koi ab to ham-safar aae

Gulnar Aafreen

---

---

wo charagh-e-zist ban kar rah mein jalta raha
hath mein wo hath le kar umr bhar chalta raha

Gulnar Aafreen

---

---

ye tilism-e-mausam-e-gul nahin ki ye mojaza hai bahaar ka
wo kali jo shaKH se gir gai wo saba ki god mein pal gai

Gulnar Aafreen

---

---