aur rabt jise kufr se hai yani barahman
kahta hai ki hargiz mera zunnar na TuTe

Gulam Yahya Huzur Azimabadi

---

---

ahaar is dhum se aai gai ummid jine ki
gareban phaT chuka kui dam mein ab naubat hi sine ki

Gulam Yahya Huzur Azimabadi

---

---

dekhna zor hi ganTha hai dil-e-yar se dil
sang-o-shishe ko kiya hai main hunar se paiwand

Gulam Yahya Huzur Azimabadi

---

---

din o duniya ka jo nahin paband
wo faraghat tamam rakhta hai

Gulam Yahya Huzur Azimabadi

---

---

ghair wafa mein puKHta hain yun hi sahi pa mujh sa bhi
ek teri janab mein KHam raha to kya hua

Gulam Yahya Huzur Azimabadi

---

---

gar shaiKH azm-e-manzil-e-haq hai to aa idhar
hai dil ki rah sidhi wa kabe ki rah kaj

Gulam Yahya Huzur Azimabadi

---

---

haji tu to rah ko bhula manzil ko koi pahunche hai
dil sa qibla chhoD ke tu ne kabe ka ehram kiya

Gulam Yahya Huzur Azimabadi

---

---