tabiat apni ghabraati hai jab sunsan raaton mein
hum aise mein teri yaadon ki chadar tan lete hain

Firaq Gorakhpuri

---

---

tere aane ki kya umid magar
kaise kah dun ki intizar nahin

Firaq Gorakhpuri

---

---

teri nigah sahaara na de to baat hai aur
ki girte girte bhi duniya sambhal to sakti hai

Firaq Gorakhpuri

---

---

teri nigah se bachne mein umr guzri hai
utar gaya rag-e-jaan mein ye neshtar phir bhi

Firaq Gorakhpuri

---

---

tujh ko pa kar bhi na kam ho saki be-tabi-e-dil
itna aasan tere ishq ka gham tha hi nahin

Firaq Gorakhpuri

---

---

tum ise shikwa samajh kar kis liye sharma gae
muddaton ke baad dekha tha to aansu aa gae

Firaq Gorakhpuri

---

---

usi ki sharh hai ye uThte dard ka aalam
jo dastan thi nihan tere aankh uThane mein

Firaq Gorakhpuri

---

---