tamam umr jo hansta hi rah gaya yaro
bala ka dard tha us shaKHs ki kahani mein

Firdaus Gayavi

---

---

tum ko aana hai to aa jao isi aalam mein
bigDe haalat gharibon ke sanwarte hain kahin

Firdaus Gayavi

---

---

wahi jo deta hai duniya ko uljhanon se najat
kabhi kabhi wahi uljhan mein Dal deta hai

Firdaus Gayavi

---

---

tamam jism ki parten juda juda karke
jiye chale gae qiston mein log mar mar ke

Fiza Kausari

---

---

ji tan mein nahin na jaan baqi
hai ishq ko imtihan baqi

France Gaudlib Queen Frasco

---

---

aaThon pahr lahu mein nahaya kare koi
yun bhi na apne dard ko dariya kare koi

Fuzail Jafri

---

---

aatish-fishan zaban hi nahin thi badan bhi tha
dariya jo munjamid hai kabhi maujzan bhi tha

Fuzail Jafri

---

---