one wale hue chup hijr ki duniya badli
shama be-nur hui subh ka tara nikla

Firaq Gorakhpuri

---

---

sans leti hai wo zamin 'firaq'
jis pe wo naz se guzarte hain

Firaq Gorakhpuri

---

---

sar mein sauda bhi nahin dil mein tamanna bhi nahin
lekin is tark-e-mohabbat ka bharosa bhi nahin

Firaq Gorakhpuri

---

---

sar-zamin-e-hind par aqwam-e-alam ke 'firaq'
qafile baste gae hindostan banta gaya

Firaq Gorakhpuri

---

---

sham bhi thi dhuan dhuan husn bhi tha udas udas
dil ko kai kahaniyan yaad si aa ke rah gain

Firaq Gorakhpuri

---

---

shamen kisi ko mangti hain aaj bhi 'firaq'
go zindagi mein yun mujhe koi kami nahin

Firaq Gorakhpuri

---

---

sunte hain ishq nam ke guzre hain ek buzurg
hum log bhi faqir isi silsile ke hain

Firaq Gorakhpuri

---

---