kya jaaniye maut pahle kya thi
ab meri hayat ho gai hai

Firaq Gorakhpuri

---

---

lai na aison-waison ko KHatir mein aaj tak
unchi hai kis qadar teri nichi nigah bhi

Firaq Gorakhpuri

---

---

lahu watan ke shahidon ka rang laya hai
uchhal raha hai zamane mein nam-e-azadi

Firaq Gorakhpuri

---

---

mail-e-bedad wo kab tha 'firaq'
tu ne us ko ghaur se dekha nahin

Firaq Gorakhpuri

---

---

main der tak tujhe KHud hi na rokta lekin
tu jis ada se uTha hai usi ka rona hai

Firaq Gorakhpuri

---

---

main muddaton jiya hun kisi dost ke baghair
ab tum bhi sath chhoDne ko kah rahe ho KHai

Firaq Gorakhpuri

---

---

manzilen gard ke manind uDi jati hain
wahi andaz-e-jahan-e-guzaran hai ki jo tha

Firaq Gorakhpuri

---

---