kho diya tum ko to hum puchhte phirte hain yahi
jis ki taqdir bigaD jae wo karta kya hai

Firaq Gorakhpuri

---

---

KHud mujh ko bhi ta-der KHabar ho nahin pai
aaj aai teri yaad is aahista-rawi se

Firaq Gorakhpuri

---

---

kis liye kam nahin hai dard-e-firaq
ab to wo dhyan se utar bhi gae

Firaq Gorakhpuri

---

---

kisi ka yun to hua kaun umr bhar phir bhi
ye husn o ishq to dhoka hai sab magar phir bhi

Firaq Gorakhpuri

---

---

kisi ki bazm-e-tarab mein hayat baTti thi
umid-waron mein kal maut bhi nazar aai

Firaq Gorakhpuri

---

---

kuchh na puchho 'firaq' ahd-e-shabab
raat hai nind hai kahani hai

Firaq Gorakhpuri

---

---

kuchh qafas ki tiliyon se chhan raha hai nur sa
kuchh faza kuchh hasrat-e-parwaz ki baaten karo

Firaq Gorakhpuri

---

---