jo dur rah ke uData raha mazaq mera
qarib aaya to roya gale laga ke mujhe

Faryad Aazar

---

---

main apni ruh liye dar-ba-dar bhaTakta raha
badan se dur mukammal wajud tha mera

Faryad Aazar

---

---

main jis mein rah na saka ji-huzuriyon ke sabab
ye aadmi hai usi kaamyab mausam ka

Faryad Aazar

---

---

main us ki baaton mein gham apna bhul jata magar
wo shaKHs rone laga KHud hansa hansa ke mujhe

Faryad Aazar

---

---

subh hoti hai to daftar mein badal jata hai
ye makan raat ko phir ghar mein badal jata hai

Faryad Aazar

---

---

ab kisi aur ka tum zikr na karna mujh se
warna ek KHwab jo aankhon mein hai mar jaega

Fasih Akmal

---

---

ahut si baaten zaban se kahi nahin jatin
sawal kar ke use dekhna zaruri hai

Fasih Akmal

---

---