tere KHilaf kiya jab bhi ehtijaj ai dost
mera wajud bhi shamil nahin hua mere sath

Fartash Syed

---

---

tu samajhta hai ki main kuchh bhi nahin tere baghair
main tere pyar se inkar bhi kar sakta hun

Fartash Syed

---

---

ada hua na qarz aur wajud KHatm ho gaya
main zindagi ka dete dete sud KHatm ho gaya

Faryad Aazar

---

---

aisi KHushiyan to kitabon mein milengi shayad
KHatm ab ghar ka tasawwur hai makan baqi hai

Faryad Aazar

---

---

and ho jata hai kuze mein kabhi dariya bhi
aur kabhi qatra samundar mein badal jata hai

Faryad Aazar

---

---

hum ibtida hi mein pahunche the intiha ko kabhi
ab intiha mein bhi hain ibtida se lipTe hue

Faryad Aazar

---

---

is tamashe ka sabab warna kahan baqi hai
ab bhi kuchh log hain zinda ki jahan baqi hai

Faryad Aazar

---

---