abhi talak hai sada paniyon pe Thahri hui
agarche Dub chuka hai pukarne wala

Farrukh Zohra Gilani

---

---

dayar-e-fikr-o-hunar ko nikhaarne wala
kahan gaya meri duniya sanwarne wala

Farrukh Zohra Gilani

---

---

har shaKHs ko fareb-e-nazar ne kiya shikar
har shaKHs gum hai gumbad-e-jaan ke hisar mein

Farrukh Zohra Gilani

---

---

mere jazbe meri shahadat hain
bahte aansu shahid karti hun

Farrukh Zohra Gilani

---

---

tum to KHud sahra ki surat bikhre bikhre lagte ho
'farruKH' se 'farruKH' ko socho kaise tum milwaoge

Farrukh Zohra Gilani

---

---

aasmanon pe uDo zehn mein rakkho ki jo chiz
KHak se uThti hai wo KHak pe aa jati hai

Fartash Syed

---

---

ang-o-KHushbu ka kahin koi kare zikr to baat
ghum phir kar teri poshak pe aa jati hai

Fartash Syed

---

---