ai 'fana' meri mayyat pe kahte hain wo
aap ne apna wada wafa kar diya

Fana bulandshahri

---

---

is jahan mein nahin koi ahl-e-wafa
ai 'fana' is jahan se kinara karo

Fana bulandshahri

---

---

kya bhul gae hain wo mujhe puchhna qasid
nama koi muddat se mere kaam na aaya

Fana bulandshahri

---

---

uTha parda to mahshar bhi uThega dida-e-dil mein
qayamat chhup ke baiThi hai naqab-e-ru-e-qatil mein

Fana bulandshahri

---

---

andheron ko nikala ja raha hai
magar ghar se ujala ja raha hai

Fana Nizami Kanpuri

---

---

aaj us se main ne shikwa kiya tha shararatan
kis ko KHabar thi itna bura man jaega

Fana Nizami Kanpuri

---

---

ai jalwa-e-jaanana phir aisi jhalak dikhla
hasrat bhi rahe baqi arman bhi nikal jae

Fana Nizami Kanpuri

---

---