wo aadmi nahin hai mukammal bayan hai
mathe pe us ke choT ka gahra nishan hai

Dushyant Kumar

---

---

yahan tak aate aate sukh jati hai kai nadiyan
mujhe malum hai pani kahan Thahra hua hoga

Dushyant Kumar

---

---

ye log homo-hawan mein yaqin rakhte hain
chalo yahan se chalen hath jal na jae kahin

Dushyant Kumar

---

---

ye sara jism jhuk kar bojh se dohra hua hoga
main sajde mein nahin tha aap ko dhoka hua hoga

Dushyant Kumar

---

---

ye soch kar ki daraKHton mein chhanw hoti hai
yahan babul ke sae mein aa ke baiTh gae

Dushyant Kumar

---

---

zindagi jab azab hoti hai
aashiqi kaamyab hoti hai

Dushyant Kumar

---

---

ashkon ke nishan parcha-e-sada pe hain qasid
ab kuchh na bayan kar ye ibarat hi bahut hai

Ehsan Ali Khan

---

---