lahu-luhan nazaron ka zikr aaya to
sharif log uThe dur ja ke baiTh gae

Dushyant Kumar

---

---

main jise oDhta bichhata hun
wo ghazal aap ko sunata hun

Dushyant Kumar

---

---

na ho qamiz to panw se peT Dhak lenge
ye log kitne munasib hain is safar ke liye

Dushyant Kumar

---

---

nazar-nawaz nazara badal na jae kahin
zara si baat hai munh se nikal na jae kahin

Dushyant Kumar

---

---

sirf hangama khaDa karna mera maqsad nahin
meri koshish hai ki ye surat badalni chahiye

Dushyant Kumar

---

---

tera nizam hai sil de zaban-e-shaer ko
ye ehtiyat zaruri hai is bahar ke liye

Dushyant Kumar

---

---

tumhaare paon ke niche koi zamin nahin
kamal ye hai ki phir bhi tumhein yaqin nahin

Dushyant Kumar

---

---