nahin khel ai 'dagh' yaron se kah do
ki aati hai urdu zaban aate aate

Dagh Dehlvi

---

---

nigah nikli na dil ki chor zulf-e-ambarin nikli
idhar la hath muTThi khol ye chori yahin nikli

Dagh Dehlvi

---

---

phir gaya jab se koi aa ke hamare dar tak
ghar ke bahar hi paDe rahte hain ghar chhoD diya

Dagh Dehlvi

---

---

phire rah se wo yahan aate aate
ajal mar rahi tu kahan aate aate

Dagh Dehlvi

---

---

phirta hai mere dil mein koi harf-e-muddaa
qasid se kah do aur na jae zara si de

Dagh Dehlvi

---

---

puchhiye mai-kashon se lutf-e-sharab
ye maza pak-baz kya jaanen

Dagh Dehlvi

---

---

qatl ki sun ke KHabar id manai main ne
aaj jis se mujhe milna tha gale mil aaya

Dagh Dehlvi

---

---