sawal-e-wasl par kuchh soch kar us ne kaha mujh se
abhi wada to kar sakte nahin hain hum magar dekho

Bekhud Dehlvi

---

---

sun ke sari dastan-e-ranj-o-gham
kah diya us ne ki phir hum kya karen

Bekhud Dehlvi

---

---

takiya haTta nahin pahlu se ye kya hai 'beKHud'
koi botal to nahin tum ne chhupa rakkhi hai

Bekhud Dehlvi

---

---

tir-e-qatil ko kaleje se laga rakkha hai
hum to dushman ko bhi aaram diye jate hain

Bekhud Dehlvi

---

---

teri tegh ka lal kar dunga munh
jo ye khelne mujh se aaegi rang

Bekhud Dehlvi

---

---

tumhaare hath KHali jeb KHali zulf KHali thi
na the tum chor dil ke lo idhar dekho ye kya nikla

Bekhud Dehlvi

---

---

tumhaari yaad mera dil ye donon chalte purze hain
jo in mein se koi miTta mujhe pahle miTa jata

Bekhud Dehlvi

---

---