aaina dekh ke KHurshid pe karte hain nazar
phir chhupa lete hain wo chehra-e-anwar apna

Bekhud Dehlvi

---

---

aap hon hum hon mai-e-nab ho tanhai ho
dil mein rah rah ke ye arman chale aate hain

Bekhud Dehlvi

---

---

aap ko ranj hua aap ke dushman roe
main pasheman hua haal suna kar apna

Bekhud Dehlvi

---

---

aap sharma ke na farmaen hamein yaad nahin
ghair ka zikr hai ye aap ki rudad nahin

Bekhud Dehlvi

---

---

ab aap koi kaam sikha dijiye hum ko
malum hua ishq ke qabil to nahin hum

Bekhud Dehlvi

---

---

adaen dekhne baiThe ho kya aaine mein apni
diya hai jis ne tum jaise ko dil us ka jigar dekho

Bekhud Dehlvi

---

---

ai shaiKH aadmi ke bhi darje hain muKHtalif
insan hain zarur magar wajibi se aap

Bekhud Dehlvi

---

---