ulajh rahe hain bahut log meri shohrat se
kisi ko yun to koi mujh se iKHtilaf na tha

Bekal Utsahi

---

---

us ka jawab ek hi lamhe mein KHatm tha
phir bhi mere sawal ka haq der tak raha

Bekal Utsahi

---

---

wo mere qatl ka mulzim hai log kahte hain
wo chhuT sake to mujhe bhi gawah likh lije

Bekal Utsahi

---

---

wo the jawab ke sahil pe muntazir lekin
samay ki naw mein mera sawal Dub gaya

Bekal Utsahi

---

---

yun to kai kitaben paDhin zehn mein magar
mahfuz ek sada waraq der tak raha

Bekal Utsahi

---

---

zamin pyasi hai buDha gagan bhi bhuka hai
main apne ahd ke qisse tamam likhta hun

Bekal Utsahi

---

---

aansu meri aankhon mein hain nale mere lab par
sauda mere sar mein hai tamanna mere dil mein

Bekhud Badayuni

---

---