farishte dekh rahe hain zamin o charKH ka rabt
ye fasla bhi to insan ki ek jast lage

Bekal Utsahi

---

---

farsh ta arsh koi nam-o-nishan mil na saka
main jise DhunDh raha tha mere andar nikla

Bekal Utsahi

---

---

hum bhaTakte rahe andhere mein
raushni kab hui nahin malum

Bekal Utsahi

---

---

har ek lahza meri dhaDkanon mein chubhti thi
ajib chiz mere dil ke aas-pas rahi

Bekal Utsahi

---

---

hawa-e-ishq ne bhi gul khilae hain kya kya
jo mera haal tha wo tera haal hone laga

Bekal Utsahi

---

---

ishq-wishiq ye chahat-wahat man ka bhulawa phir man bhi apna kya
yar ye kaisa rishta jo apnon ko ghair kare maula KHair kare

Bekal Utsahi

---

---

KHuda kare mera munsif saza sunane par
mera hi sar mere qatil ke ru-ba-ru rakh de

Bekal Utsahi

---

---