ai tan-parast jama-e-surat kasif hai
bazm-e-huzur-e-dost mein kapDe badal ke chal

Bayan Meeruti

---

---

dil aaya hai qayamat hai mera dil
uThe tazim de joban kisi ka

Bayan Meeruti

---

---

gauhar-e-maqsad mile gar charKH-e-minai na ho
ghota-zan bahr-e-haqiqat mein hun gar kai na ho

Bayan Meeruti

---

---

hawa-e-wahshat dil le uDi kahan se kahan
paDi hai dur zamin gard-e-karwan ki tarah

Bayan Meeruti

---

---

hazaron dil masal kar pair se jhunjhla ke yun bole
lo pahchano tumhaara in dilon mein kaun sa dil hai

Bayan Meeruti

---

---

kabhi hansaya kabhi rulaya kabhi rulaya kabhi hansaya
jhijak jhijak kar simaT simaT kar lipaT lipaT kar daba daba ka

Bayan Meeruti

---

---

nahin ye aadmi ka kaam waiz
hamare but tarashe hain KHuda ne

Bayan Meeruti

---

---