ye un ka khel to dekho ki ek kaghaz par
likha bhi nam mera aur phir miTa bhi diya

Bashiruddin Ahmad Dehlvi

---

---

zor se sans jo leta hun to akasr shab-e-gham
dil ki aawaz ajab dard bhari aati hai

Bashiruddin Ahmad Dehlvi

---

---

ab dil ko samjhae kaun
baat agarche hai maqul

Basir Sultan Kazmi

---

---

apni baaton ke zamane to hawa-burd hue
ab kiya karte hain hum surat-e-haalat pe baat

Basir Sultan Kazmi

---

---

aDh gai tujh se mil ke tanhai
ruh juya-e-ham-subu thi bahut

Basir Sultan Kazmi

---

---

'basir' tumhein yahan ka abhi tajraba nahin
bimar ho? paDe raho, mar bhi gae to kya

Basir Sultan Kazmi

---

---

chamki thi ek barq si phulon ke aas-pas
phir kya hua chaman mein mujhe kuchh KHabar nahin

Basir Sultan Kazmi

---

---