deta raha wo galiyan aur main raha KHamosh
phir yun hua ki wo mere qadmon mein gir gaya

Bashir Mehtaab

---

---

gunjunga tere zehn ke gumbad mein raat-din
jis ko na tu bhula sake wo guftugu hun main

Bashir Saifi

---

---

KHud apni hi gahrai mein
aaKHir ko gharqab hue hum

Bashir Saifi

---

---

tere nam ka tara jaane kab dikhai de
ek jhalak ki KHatir hum raat bhar Tahalte hain

Bashir Saifi

---

---

ahd ke sath ye bhi ho irshad
kis tarah aur kab milenge aap

Bashiruddin Ahmad Dehlvi

---

---

andhan sa ek bandha tha rag-o-pai se jism mein
marne ke baad hath se moti bikhar gae

Bashiruddin Ahmad Dehlvi

---

---

charagh us ne bujha bhi diya jala bhi diya
ye meri qabr pe manzar naya dikha bhi diya

Bashiruddin Ahmad Dehlvi

---

---