aaj-kal to sab ke sab Tw ke diwane hue
warna bachche to liya karte the pagal ke maze

Badr Wasti

---

---

azab hoti hain akasr shabab ki ghaDiyan
gulab apni hi KHushbu se Darne lagte hain

Badr Wasti

---

---

har shaKHs ko guman ki manzil nahin hai dur
ye to bataiye ki pita kis ke pas hai

Badr Wasti

---

---

lahu ka aaKHiri qatra nichoDne par bhi
taqaze rengte rahte hain rang-o-bu ke liye

Badr Wasti

---

---

phaldar daraKHton ne rijhaya to mujhe bhi
aazad parindon ke liye shaKH-o-samar kya

Badr Wasti

---

---

qatil ki sari sazishen nakaam hi rahin
chehra kuchh aur khil uTha zahrab gar piya

Badr Wasti

---

---

main bhi gum-sum tha koi baat na karne paya
us ke honTon pe bhi jaise koi pahra dekha

Bagh Husain Kamal

---

---