KHuda ka shukr hai tu ne bhi man li meri baat
rafu purane dukhon par nahin kiya jata

Aziz Hamid Madni

---

---

khula ye dil pe ki tamir-e-baam-o-dar hai fareb
bagule qalib-e-diwar-o-dar mein hote hain

Aziz Hamid Madni

---

---

KHun hua dil ki pashiman-e-sadaqat hai wafa
KHush hua ji ki chalo aaj tumhaare hue log

Aziz Hamid Madni

---

---

kuchh ab ke hum bhi kahen us ki dastan-e-visal
magar wo zulf-e-pareshan khule to baat chale

Aziz Hamid Madni

---

---

mana ki zindagi mein hai zid ka bhi ek maqam
tum aadmi ho baat to sun lo KHuda nahin

Aziz Hamid Madni

---

---

mahak mein zahr ki ek lahr bhi KHwabida rahti hai
ziden aapas mein Takraati hain farq-e-mar-o-sandal ka

Aziz Hamid Madni

---

---

meri wafa hai us ki udasi ka ek bab
muddat hui hai jis se mujhe ab mile hue

Aziz Hamid Madni

---

---