gham-e-hayat o gham-e-dost ki kashakash mein
hum aise log to ranj-o-malal se bhi gae

Aziz Hamid Madni

---

---

husn ki shart-e-wafa jo Thahri tesha o sang-e-giran ki baat
hum hon ya farhad ho aaKHir aashiq to mazdur raha

Aziz Hamid Madni

---

---

jab aai saat-e-be-tab teri be-libasi ki
to aaine mein jitne zawiye the rah gae jal ka

Aziz Hamid Madni

---

---

jo baat dil mein thi us se nahin kahi hum ne
wafa ke nam se wo bhi fareb kha jata

Aziz Hamid Madni

---

---

kazib sahafaton ki bujhi rakh ke tale
jhulsa hua milega waraq-dar-waraq ada

Aziz Hamid Madni

---

---

kah sakte to ahwal-e-jahan tum se hi kahte
tum se to kisi baat ka parda bhi nahin tha

Aziz Hamid Madni

---

---

KHalal-pazir hua rabt-e-mehr-o-mah mein waqt
bata ye tujh se judai ka waqt hai ki nahin

Aziz Hamid Madni

---

---