qarib se na guzar intizar baqi rakh
qarabaton ka magar e'tibar baqi rakh

Ateeq Asar

---

---

uThe jate hain dida-war sabhi aahista aahista
ye duniya mo'tabar logon se KHali hoti jati hai

Ateeq Asar

---

---

wo baat mujh ko to dushnam si lagi hai 'atiq'
tumhaara nam likha kis ne be-wafaon mein

Ateeq Asar

---

---

aaina dusron ki jaanib hai
apni surat nazar nahin aati

Ateeya Niyazi

---

---

aadmi ka amal se rishta hai
kaam aata nahin nasab kuchh bhi

Athar Nadir

---

---

ab aa bhi jao ki ek dusre mein gum ho jaen
visal-o-hijr ka qissa bahut purana hua

Athar Nadir

---

---

dekho to har ek rang se milta hai mera rang
socho to har ek baat hai auron se juda bhi

Athar Nadir

---

---