intihai hasin lagti hai
jab wo karti hai ruTh kar baaten

Asim Wasti

---

---

kahin kahin to zamin aasman se unchi hai
ye raaz mujh pe khula siDhiyan utarte hue

Asim Wasti

---

---

KHushk rut mein is jagah hum ne banaya tha makan
ye nahin malum tha ye rasta pani ka hai

Asim Wasti

---

---

kisi bhi kaam mein lagta nahin hai dil mera
baDe dinon se tabiat bujhi bujhi si hai

Asim Wasti

---

---

kuchh wo bhi tabiat ka sukhi aisa nahin hai
kuchh hum bhi mohabbat mein qanaat nahin karte

Asim Wasti

---

---

log kahte hain ki wo shaKHs hai KHushbu jaisa
sath shayad use le aae hawa dekhte hain

Asim Wasti

---

---

main inhimak mein ye kis maqam tak pahuncha
tujhe hi bhul gaya tujh ko yaad karte hue

Asim Wasti

---

---