yaad ki KHushbu dil ke nagar mein phailegi
gham ke sae lagte hain ab shital se

Anwar Minai

---

---

ai kash hamari qismat mein aisi bhi koi sham aa jae
ek chand falak par nikla ho ek chand sar-e-baam aa jae

Anwar Mirzapuri

---

---

akela pa ke mujh ko yaad un ki aa to jati hai
magar phir lauT kar jati nahin main kaise so jaun

Anwar Mirzapuri

---

---

main KHush hun agar gulshan ke liye kuchh mera lahu kaam aa jae
lekin mujh ko Dar hai is ka gulchin pe na ilzam aa jae

Anwar Mirzapuri

---

---

ho sakta hai koi hamein bhi DhunDe in banjaron mein
jaane kis ki khoj mein kab se phirte hain bazaron mein

Anwar Nadim

---

---

mere kamre mein sabhi chizen hain aaj
zindagani ki tarah bikhri hui

Anwar Nadim

---

---

aadmiyat ke siwa jis ka koi maqsad na ho
umr bhar us aadmi ki justuju karte raho

Anwar Sabri

---

---