mayus na ho be-ruKHi-e-chashm-e-jahan se
shaista-e-ehsas koi kaam kiye ja

Anwar Sabri

---

---

main jo roya un ki aankhon mein bhi aansu aa gae
husn ki fitrat mein shamil hai mohabbat ka mizaj

Anwar Sabri

---

---

meri nigah-e-fikr mein 'anwar'
ishq fasana husn hai uryan

Anwar Sabri

---

---

mohabbat hai azal ke din se shamil meri fitrat mein
bila tafriq shaiKH o barhaman se ishq hai mujh ko

Anwar Sabri

---

---

mujhe taslim hai qaid-e-qafas se maut behtar hai
nasheman par hujum-e-barq-o-baran kaun dekhega

Anwar Sabri

---

---

mumkin hai mil hi jae maqam-e-sukun kahin
ta marg ham-rikab raho zindagi ke sath

Anwar Sabri

---

---

mumkin hai mere baad bhula den mujhe lekin
ta umr unhen meri wafa yaad rahegi

Anwar Sabri

---

---