tum ko bhula rahi thi ki tum yaad aa gae
main zahr kha rahi thi ki tum yaad gae

Anjum Rehbar

---

---

aaegi hum ko ras na yak-rangi-e-KHala
ahl-e-zamin hain hum hamein din raat chahiye

Anjum Rumani

---

---

aaj ka jhagDa aaj chuka
kal ki baaten kal par Tal

Anjum Rumani

---

---

aur kuchh din KHarab ho lije
sud apna hai is ziyan mein abhi

Anjum Rumani

---

---

dekhoge to aaegi tumhein apni jafa yaad
KHamosh jise paoge KHamosh na hoga

Anjum Rumani

---

---

dete nahin sujhai jo duniya ke KHatt-o-KHal
aae hain tirgi mein magar raushni se hum

Anjum Rumani

---

---

dil se uThta hai subh-o-sham dhuan
koi rahta hai is makan mein abhi

Anjum Rumani

---

---