ye kaun nikal aaya yahan sair-e-chaman ko
shaKHon se mahakte hue zewar nikal aae

Anjum Khaleeq

---

---

zaban-bandi ke mausam mein gali-kuchon ki mat puchho
parindon ke chahakne se shajar aabaad hote hain

Anjum Khaleeq

---

---

zamin ki god mein itna sukun tha 'anjum'
ki jo gaya wo safar ki thakan bhul gaya

Anjum Khaleeq

---

---

zara si main ne tarjihat ki tartib badli thi
ki aapas mein ulajh kar rah gae duniya o din mere

Anjum Khaleeq

---

---

zarfishan hai meri zarKHez zaminon ka badan
zarra zarra mere punjab ka paras nikla

Anjum Khaleeq

---

---

andheri raat hai saya to ho nahin sakta
ye kaun hai jo mere sath sath chalta hai

Anjum Khayali

---

---

aankh jhapkin to itne arse mein
jaane kitne baras guzar jaen

Anjum Khayali

---

---