taraf-e-kaba na ja haj ke liye nadan hai
ghaur kar dekh ki hai KHana-e-dil maskan-e-dost

Ameer Minai

---

---

tawaqqoa hai dhoke mein aa kar wo paDh len
ki likkha hai nama unhen KHat badal ka

Ameer Minai

---

---

teri masjid mein waiz KHas hain auqat rahmat ke
hamare mai-kade mein raat din rahmat barasti hai

Ameer Minai

---

---

tir khane ki hawas hai to jigar paida kar
sarfaroshi ki tamanna hai to sar paida ka

Ameer Minai

---

---

tir par tir lagao tumhein Dar kis ka hai
sina kis ka hai meri jaan jigar kis ka hai

Ameer Minai

---

---

tujh se mangun main tujhi ko ki sabhi kuchh mil jae
sau sawalon se yahi ek sawal achchha hai

Ameer Minai

---

---

tum ko aata hai pyar par ghussa
mujh ko ghusse pe pyar aata hai

Ameer Minai

---

---