pahle to mujhe kaha nikalo
phir bole gharib hai bula lo

Ameer Minai

---

---

pahlu mein mere dil ko na ai dard kar talash
muddat hui gharib watan se nikal gaya

Ameer Minai

---

---

phir baiThe baiThe wada-e-wasl us ne kar liya
phir uTh khaDa hua wahi rog intizar ka

Ameer Minai

---

---

putliyan tak bhi to phir jati hain dekho dam-e-naza
waqt paDta hai to sab aankh chura jate hain

Ameer Minai

---

---

puchha na jaega jo watan se nikal gaya
be-kar hai jo dant dahan se nikal gaya

Ameer Minai

---

---

qarib hai yaro roz-e-mahshar chhupega kushton ka KHun kyunkar
jo chup rahegi zaban-e-KHanjar lahu pukarega aastin ka

Ameer Minai

---

---

aste aur tawazoa mein hai rabt-e-qalbi
jis tarah lam alif mein hai alif lam mein hai

Ameer Minai

---

---