sun raha hun ki wo aaenge hansane mujh ko
aansuo tum bhi zara rang jamae rakhna

Alok Yadav

---

---

waiz safar to mera bhi tha ruh ki taraf
par kya karun ki rah mein ye jism aa paDa

Alok Yadav

---

---

yun nibhata hun main rishte 'alok'
be-gunahi ki saza ho jaise

Alok Yadav

---

---

gum rahoge kab tak apni zat hi mein
zindagi se bhi kabhi aankhen milao

Alqama Shibli

---

---

kyun laghzish-e-pa meri malamat ka hadaf hai
jine ka saliqa mujhe baKHsha hai isi ne

Alqama Shibli

---

---

us manzil-e-hayat mein ab gamzan hai dil
'shibli'! jahan kisi ki bhi aawaz-e-pa nahin

Alqama Shibli

---

---

ye kya ki faqat apni hi taswir banao
ai naqsh-garo wusat-e-fan kuchh to dikhao

Alqama Shibli

---

---