kinaron se mujhe ai naKHudao dur hi rakkho
wahan le kar chalo tufan jahan se uThne wala hai

Ali Ahmad Jalili

---

---

kya isi waste sincha tha lahu se apne
jab sanwar jae chaman aag laga di jae

Ali Ahmad Jalili

---

---

lai hai kis maqam pe ye zindagi mujhe
mahsus ho rahi hai KHud apni kami mujhe

Ali Ahmad Jalili

---

---

nasheman hi ke luT jaane ka gham hota to kya gham tha
yahan to bechne wale ne gulshan bech Dala hai

Ali Ahmad Jalili

---

---

phirta hun apna naqsh-e-qadam DhunDta hua
le kar charagh hath mein wo bhi bujha hua

Ali Ahmad Jalili

---

---

oke se kahin hadsa-e-waqt ruka hai
shoalon se bacha shahr to shabnam se jala hai

Ali Ahmad Jalili

---

---

us shajar ke sae mein baiTha hun main
jis ki shaKHon par koi patta nahin

Ali Ahmad Jalili

---

---