wo aa raha tha magar main nikal gaya kahin aur
sau zaKHm-e-hijr se baDh kar azab main ne diya

Abul Hasanat Haqqi

---

---

wo kashti se dete the manzar ki dad
so hum ne bhi ghar ko safina kiya

Abul Hasanat Haqqi

---

---

ye baat alag hai kisi dhaare pe nahin hai
duniya kisi kamzor ishaare pe nahin hai

Abul Hasanat Haqqi

---

---

ye sach hai us se bichhaD kar mujhe zamana hua
magar wo lauTna chahe to phir zamana bhi kya

Abul Hasanat Haqqi

---

---

e-KHud bhi hain hoshiyar bhi hain dekhne wale
in mast nigahon ki ada aur hi kuchh hai

Abul Kalam Azad

---

---

koi nalan koi giryan koi bismil ho gaya
us ke uThte hi digar-gun rang-e-mahfil ho gaya

Abul Kalam Azad

---

---

ek ho jaen to ban sakte hain KHurshid-e-mubin
warna in bikhre hue taron se kya kaam bane

Abul Mujahid Zahid

---

---