main hasil ho chuka hun jis badan ko
usi se puchhta hun kya mila hai

Tripurari

---

---

ai hawa tu hi use id-mubarak kahiyo
aur kahiyo ki koi yaad kiya karta hai

Tripurari

---

---

kitni dilkash hain ye barish ki phuwaren lekin
aisi barish mein meri jaan bhi ja sakti hai

Tripurari

---

---

kisi par bhi yaqin kar lete ho tum
tumhaare sath kya dhoka hua hai

Tripurari

---

---

kai lashen hain mujh mein dafn yani
main qabristan hun shuruat hi se

Tripurari

---

---

jise tum DhunDti rahti ho mujh mein
wo laDka jaane kab ka mar chuka hai

Tripurari

---

---

jin se milna na hua un se bichhaD kar roe
hum to aankhon ki har ek had se guzar kar roe

Tripurari

---

---

jab se guzra hai kisi husn ke bazar se dil
dil ko mahsus ye hota hai ki bazar hun main

Tripurari

---

---

ek taswir banai hai KHayalon ne abhi
aur taswir se ek shaKHs nikal aaya hai

Tripurari

---

---