hai rishta ek phir ye kashakash na chahiye
achchha nahin hai subha ka zunnar se bigaD

Syed Yusuf Ali Khan Nazim

---

---

haq ye hai ki kabe ki bina bhi na paDi thi
hain jab se dar-e-but-kada par KHak-nashin hum

Syed Yusuf Ali Khan Nazim

---

---

id hai hum ne bhi jaana ki na hoti gar id
mai-farosh aaj dar-e-mai-kada kyun wa karta

Syed Yusuf Ali Khan Nazim

---

---

id ke din jaiye kyun id-gah
jab ki dar-e-mai-kada wa ho gaya

Syed Yusuf Ali Khan Nazim

---

---

jati nahin hai sai rah-e-ashiqi mein pesh
jo thak ke rah gaya wahi sabit-qadam hua

Syed Yusuf Ali Khan Nazim

---

---

jab guzarti hai shab-e-hijr main ji uThta hun
ohda KHurshid ne paya hai masihai ka

Syed Yusuf Ali Khan Nazim

---

---

jab tera nam suna to nazar aaya goya
kis se kahiye ki tujhe kan se hum dekhte hain

Syed Yusuf Ali Khan Nazim

---

---

jumbish abru ko hai lekin nahin aashiq pe nigah
tum kaman kyun liye phirte ho agar tir nahin

Syed Yusuf Ali Khan Nazim

---

---