us but ka kucha masjid-e-jame nahin hai shaiKH
uThiye aur apna yan se musalla uThaiye

Syed Yusuf Ali Khan Nazim

---

---

waiz o shaiKH sabhi KHub hain kya batlaun
main ne maiKHane se kis kis ko nikalte dekha

Syed Yusuf Ali Khan Nazim

---

---

wahi mabud hai 'nazim' jo hai mahbub apna
kaam kuchh hum ko na masjid se na but-KHane se

Syed Yusuf Ali Khan Nazim

---

---

ye kis zohra-jabin ki anjuman mein aamad aamad hai
bichhaya hai qamar ne chandni ka farsh mahfil mein

Syed Yusuf Ali Khan Nazim

---

---

hai daur-e-falak zoaf mein pesh-e-nazar apne
kis waqt hum uThte hain ki chakkar nahin aata

Syed Yusuf Ali Khan Nazim

---

---

afsana-e-majnun se nahin kam mera qissa
is baat ko jaane do ki mashhur nahin hai

Syed Yusuf Ali Khan Nazim

---

---

and mahram ke wo khulwate hain hum se beshtar
aaj-kal sone ki chiDiya hai hamare hath mein

Syed Yusuf Ali Khan Nazim

---

---

arson DhunDa kiye hum dair-o-haram mein lekin
kahin paya na pata us but-e-harjai ka

Syed Yusuf Ali Khan Nazim

---

---

e diye le uDa kabutar KHat
yun pahunchta hai upar upar KHat

Syed Yusuf Ali Khan Nazim

---

---