charagh sajda jala ke dekho hai but-kada dafn zer-e-kaba
hudud-e-islam hi ke andar ye sarhad-e-kafiri milegi

Siraj Lakhnavi

---

---

dam-bar-dosh phiren chahe wo gesu bar-dosh
said ban ban ke hamin ne unhen sayyaad kiya

Siraj Lakhnavi

---

---

dam ghuTa jata hai mohabbat ka
band hi band guftugu hai abhi

Siraj Lakhnavi

---

---

diya hai dard to rang-e-qubul de aisa
jo ashk aankh se Tapke wo dastan ho jae

Siraj Lakhnavi

---

---

ek ek se bhik aansuon ki mang raha hun
kis ne mujhe jhonka hai jahannam ki faza mein

Siraj Lakhnavi

---

---

aankhen khulin to jag uThin hasraten tamam
us ko bhi kho diya jise paya tha KHwab mein

as my eyes did ope my yearnings did rebound
for I lost the person who in my dreams I found

Siraj Lakhnavi

---

---

han tum ko bhul jaane ki koshish karenge hum
tum se bhi ho sake to na aana KHayal mein

Siraj Lakhnavi

---

---

hairan hain ab jaen kahan DhunDne tum ko
aaina-e-idrak mein bhi tum nahin rahte

Siraj Lakhnavi

---

---

har ashk-e-surKH hai daman-e-shab mein aag ka phul
baghair shama ke bhi jal rahe hain parwane

Siraj Lakhnavi

---

---