aat bhar shama jalata hun bujhata hun 'siraj'
baiThe baiThe yahi shaghl-e-shab tanhai hai

Siraj Lakhnavi

---

---

na pi sako to idhar aao ponchh dun aansu
ye tum ne sun liye is dil ke sanehat kahan

Siraj Lakhnavi

---

---

na mohtasib ki KHushamad na mai-kade ka tawaf
KHudi mein mast hun apni bahaar mein gum hun

Siraj Lakhnavi

---

---

lahu mein Dubi hai tariKH-e-KHilqat-e-insan
abhi ye nasl hai shaista-e-hayat kahan

Siraj Lakhnavi

---

---

kyun dhyan baTati hai mera gardish-e-duniya
haT ja ki na farq aae meri laghzish-e-pa mein

Siraj Lakhnavi

---

---

kuchh aur mangna mere mashrab mein kufr hai
la apna hath de mere dast-e-sawal mein

Siraj Lakhnavi

---

---

KHusha wo daur ki jab markaz-e-nigah the hum
paDa jo waqt to ab koi ru-shanas nahin

Siraj Lakhnavi

---

---

KHuda-wanda ye kaisi subh-e-gham hai
ujale mein barasti hai siyahi

Siraj Lakhnavi

---

---

KHabar rihai ki mil chuki hai charagh phulon ke jal rahe hain
magar baDi tez raushni hai qafas ka dar sujhta nahin hai

Siraj Lakhnavi

---

---