isi par KHush hain ki ek dusre ke sath rahte hain
abhi tanhai ka matlab nahin samjhe hain ghar wale

Shuja Khaavar

---

---

jaisa manzar mile gawara kar
tabsire chhoD de nazara ka

Shuja Khaavar

---

---

jin ko qudarat hai taKHayyul par unhen dikhta nahin
jin ki aanhken Thik hain un ko taKHayyul chahiye

Shuja Khaavar

---

---

jo zinda ho use to mar dete hain jahan wale
jo marna chahta ho us ko zinda chhoD dete hain

Shuja Khaavar

---

---

karam hai mujh pe kisi aur ke jalane ko
wo shaKHs mujh pe koi mehrban thoDi hai

Shuja Khaavar

---

---

kuchh nahin bola to mar jaega andar se 'shujaa'
aur agar bola to phir bahar se mara jaega

if silent I remain I will suffocate inside
and if I speak I will surely be crucified

Shuja Khaavar

---

---

mere haalat ko bas yun samajh lo
parinde par shajar rakkha hua hai

Shuja Khaavar

---

---